Türkiyədə zərgər qızıl və gümüşdən hazırladığı maskaları satışa çıxarıb.

Mumtv.az Türkiyə mətbuatına istinadən xəbər verir ki, Sabri Demirci adlı zərgər uzunmüddətli araşdırmalardan sonra bu addımı atmağa qərar verib. 32 ildir ki, zərgərliklə məşğul olan Sabri qızıl və gümüşdən olan maskalar üçün 3 ay vaxt sərf edib.

O, gümüşdən hazırlanan maskaların mikrob əleyhinə olduğu bildirib. Maskaların hər biri 20 qram ağırlığındadır, onların iç üzünə ipək parçadan olan süngər yerləşdirilib. Buna görə də nəfəs almaqda problem yaratmır.

Qızıl maskalar 2000, gümüşlər isə 1500 lirəyə satılır.