Cəmiyyət
Şəkidə yol polisi koronavirusla bağlı tədbirləri davam etdirir - Fotolar
Şəkidə koronavirus infeksiyasının yayılmasının qarşısının alınması məqsədilə Şəki Şəhər Rayon Polis Şöbəsinin Dövlət Yol Polisi bölməsinin əməkdaşları tərəfindən qabaqlayıcı tədbirlər gücləndirilib.
Mumtv.az DİN-in Mətbuat Xidmətinin Şəki regional qrupundan "Qafqazinfo”ya verilən məlumata əsasən bildirir ki, yol polisi əməkdaşları rayon ərazisində sərnişindaşıma ilə məşğul olan nəqliyyat vasitələrinin sürücüləri ilə maarifləndirici söhbətlər aparıb.
Şəhərdaxili marşrut avtobuslarında, taksilərdə sərnişinlərin sosial məsafə saxlaması, tibbi maskadan istifadə etməsi, həmçinin şəffaf arakəsmələrin quraşdırılmasının vacibliyi onların diqqətinə çatdırılıb. Bəzi hallarda sürücülərin normadan artıq sərnişin götürməsinin, həmçinin mövcud tələblərə riayət etməməsinin yoluxma hallarının daha da artmasına səbəb olduğu vurğulanıb.
Sonda sürücüləri maraqlandıran suallar DYPB-nin əməkdaşları tərəfindən cavablandırılıb.