Siyasət
Bu şirkət Ordumuza 100 min köçürdü
"Azərbaycanın Təmiz Texnologiyaları” şirkəti Azərbaycanın Silahlı Qüvvələrinin Yardım Fonduna ümumi olaraq 100 000 (yüz min) manat vəsait köçürüb.
Mumtv.az bildirir ki, "Azərbaycanın Təmiz Texnologiyaları” şirkətinin rəhbəri Səfər Əlirzayev dövlətimizin ərazi bütövlüyü uğrunda döyüşən ordumuza dəstəyin onlar üçün şərəf olduğunu bildirib.
"Azərbaycanın Təmiz Texnologiyaları” Məhdud Məsuliyyətli Cəmiyyəti tərəfindən 50 min manat Azərbaycan Silahlı Qüvvələrə Yardım Fonduna ianə edilib.
Bundan əlavə, şirkət tərəfindən Naxçıvanın İnkişafı və Müdafiə Fonduna da 50 min manat yardım edilib.
"Ali Baş Komandanımız İlham Əliyevin qismən səfərbərlik çağırışına və hazırda qızğın döyüş əməliyyatları həyata keçirən Silahlı Qüvvələrimizə dəstək olmaq bizim də mənəvi borcumuzdur. Yolumuz haqq yoludur və inanırıq ki, zəfər bizim olacaq”, - deyə vurğulanıb.
Yaşasın Ali Baş Komandan! Yaşasın Azərbaycan əsgəri!
Qarabağ Azərbaycandır!
(Axar.az)