Bu gün ölkədə baş verən bir sıra məlum hadisələrdən sonra bəzi yüksək çinli məmurların böyük sərvətləri üzə çıxmışdır.Təbii ki,o məmurlardan bir neçəsi tutduğu vəzifədən azad edilmişdir. Amma əfsuslar olsun ki,o sıralarda adları qeyd olunan çox sayda məmurlar hələ də öz mövqe və məqamlarındadırlar. Danılmazdır ki,bu gün yüksək çinli məmurların böyük əksəriyyətinin biri-birləri ilə qohumluq əlaqələri vardır. Məhz bu yaxın əlaqələrin nəticəsidir ki,səlahiyyətlərindən sui-istifadə edərək dövlətin sərvətini mənimsəyib öz şəxsi biznes və bahalı mülklərinin sayını artırmaqla məşğuldurlar. Əlbəttə ki,bu cür məlumatlar artıq cəmiyyət üçün təəccüb doğurmayan bir həddə gəlib çatmışdır. Bu isə onunla əlaqələnir ki,texnalogiyanın sürətlə inkişaf etdiyi bir dövrdə bu cür məlumatlar tez bir zamanda ictimaiyyətin diqqətinə çatdırılır və beləliklə də cəmiyyət ölkədə baş verən məmur özbaşınalığından anında xəbərdar olur. 

Bu gün "DogruXeber.az" informasiya agentliyi olaraq Yasamal rayonunda baş vermiş bir sıra maraqlı hadisənin acı nəticəsi ilə sizləri tanış edəcəyik. Belə ki,ötən buraxlışlarımızın birində Yasamal rayon Şəfaət Mehdiyev küçəsi 1-ci Alatavanın giriş hissəsində su anbarının üstündə qeyri-qanuni tikinti işlərinin aparılması barədə görüntüləri sizlərin diqqətinə çatdırmışdıq. Əlbəttə ki,sözügedən ərazidə aparılan qanunsuz tikintidən bir çox yerli sakinlər redaksiyamıza narazılıqlarını bildirmişdirlər. Redaksiyamız isə həmin ərazidə qeydə alınan video görüntüləri ictimaiyyətin diqqətinə çatdırmışdır. Amma təəssüflər olsun ki,həyata keçirilən qanunsuz tikinti barədə yerli icra orqanı tərəfindən bu günə qədər heç bir qanuni tədbir görülməmişdir. Yerli sakinlərin iddiasına görə həyata keçirilən qanunsuz tikinti bir başa rayon rəhbərliyinin razılığı əsasında həyata keçirilir. Sakinlərin İcra başçısı haqqında etdikləri iddia bizim də maraq dairəmizi cəlb etdiyi üçün həmin əraziyə baxış keçirmək qərarına gəldik. 

Əraziyə baxış keçirdiyimiz vaxt həqiqətən də sözügedən ərazinin əhali üçün nə qədər əhəmiyyətli olduğunun əyani şahidi olduq. Əhəmiyyətli olmasının səbəbi isə budur ki,həmin ərazidə içməli su anbarı mövcuddur. Bu arada bir neçə gün öncə Yasamal rayonunda Dadaş Bünyadzadə ev 30 ünvanında icra orqanı tərəfindən vətəndaşa külli miqdarda maddi və mənəvi zərər vurması barədə "Baku tv" internet tv-də yayımlanan görüntülər hər kəsin hiddətinə səbəb olmuşdur. Təəccüblüsü burasındadır ki,İcra orqanı tərəfindən əsassız olaraq sökülən mənzilin,bütün sənədlərinin qanuni qaydada olmasına məhəl qoymadan evi sökmələri,insanlar arasında müxtəlif fikirlərin formalaşmasına səbəb olmuşdur. 

Bu gün Yasamal rayonunda biri-birinə zidd olan hadisələr onu deməyə əsas verir ki,rayon ərazisində görülən bütün işlərdə rəhbərliyin maraqları təmin olunmadığı halda dolayı yollarla da olsa süni əngəllər yaradılaraq vətəndaşlara müxtəlif məbləğlərdə zərər vururlar. Təqdim etdiyimiz videorolikə nəzər salsanız gedən sujetdəki olan fərqi sizlər də görə biləcəksiniz. Bir tərəfdə qanunsuz tikintinin rahat şəkildə aparılması,digər tərəfdə isə qanuni qaydada aparılan tikintinin hansı vəhşiliklərlə sökülməsi insanlarda icra orqanına qarşı hiddət yaradıb. Bu cür xoşagəlməz hadisələrin yaranmasına səbəb kimi gənc İcra başçısı Elşad Həsənovu günahlandıran yerli sakinlər,onun idarəçiliyini olduqca zəif qiymətləndiriblər. 

İcra başçısı E.Həsənov bilməlidir ki,ölkə Prezidenti cənab İlham Əliyevin son çıxışından sonra ictimai nəzarət hədsiz dərəcədə gücləndirilib. Artıq sadə vətəndaşlar belə , ölkə başçısının çıxışından ilhamlanaraq çevrəsində nə baş verirsə dərhal qeydə alıb mətbuat vasitəsilə məsələni ictimailəşdirirlər. Bu isə xalqın ölkə başçısına güvəncinin açıq şəkildə göstəricisidir. İndi gənc İcra başçısı E.Həsənov rəhbərlik etdiyi rayonda aparılan qanunsuz tikintilərə qarşı görüb-görmədiyi bütün işlərin nəticəsini ictimai nəzarət olan xalqa hesabat vermək məcburiyyətindədir.. Məsələyə qayıdacağıq...!!!

"DogruXeber.az"

Redaksiya qarşı tərəfin söz haqqını tanıyır: