mumtv.az
mumtv.az

Tərtərin icra başçısı liseyə gedən səkini zəbt etdi

Tərtərin icra başçısı liseyə gedən səkini zəbt etdi
10-09-2020, 14:29 62 dəfə baxılıb

Tərtərin icra başçısı liseyə gedən səkini zəbt etdi - VİDEO
Tərtərin icra başçısı Müstəqim Məmmədov 96 saylı Tərtər Peşə Liseyinə gedən səkini zəbt edib.

Mumtv.az "BakuPost"a istinadən xəbər verir ki, bu barədə sosial şəbəkələrdə həmin ərazidən çəkilmiş video yayılıb.
 

Videonu "Facebook" hesabında hüquqşünas Mehman Muradlı paylaşıb.



Müzakirəyə səbəb olan videoda aydın görünür ki, icra başçısı məktəblə yanaşı villa tikdirib. Villanın divarları isə az qala, yola qədər çıxır. Səkinin digər yarısında isə villanın ətrafı yaşıllıq olsun deyə, ağaclar əkilib. Beləcə, səki ilə hərəkət etmək mümkünsüz hala gəlib. İndi şagirdlər məcburdurlar ki, maşın yolu ilə hərəkət etsinlər. Bu isə çox təhlükəlidir. Videonu çəkən şəxs "Əgər Müstəqim Məmmədov yaşıllıq salmaq istəyirsə, məktəb səkisini niyə bağlayır", - deyə sual edir.

Villanın digər divarı da yola çıxdığından qaz xətti səkinin ortasından çəkilib.
Videonun sonunda adi vətəndaşın evinin kənarından gedən səki ilə M.Məmmədovun villasının kənarındakı "səki" müqayisə edilir.

Digər maraqlı məqam isə məktəbin villaya baxan pəncərələrinin hörülməsidir. Sakinlər iddia edir ki, bunu başçının villasının həyəti görünməsin deyə ediblər.

Xatırladaq ki, bu villanın yerində əvvəllər "Kapital Bank"ın rayon filialının binası olub. Daha sonra onun yerində Yeni Azərbaycan Partiyasının Tərtər rayon şöbəsinin binası tikilib. Bir müddət sonra isə YAP-ın binası başçının villasına çevrilib.









Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA