mumtv.az
mumtv.az

Bu universitetdə də kompüter mühəndisliyi ixtisası olacaq - İmtahan öncəsi mənzərə

Bu universitetdə də kompüter mühəndisliyi ixtisası olacaq - İmtahan öncəsi mənzərə
19-05-2020, 14:35 43 dəfə baxılıb

 Bu universitetdə də kompüter mühəndisliyi ixtisası olacaq - İmtahan öncəsi mənzərə
 
 
 
 
 
 
 

 
 
 
 

Azərbaycanda günün əsas tələbi olan ixtisaslar - Kompüter elmləri, İnformatika müəllimliyi, Kompüter mühəndisliyi, İnformasiya texnologiyaları, İnformasiya təhlükəsizliyi, Sistem mühəndisliyi peşələrinə həm qəbul sayı, həm də bu ixtisası tədris edən universitet sayı artmaqdadır. Mumtv.az TED.az-a istinadən xəbər verir ki, növbəti tədris illərində daha bir ali təhsil müəssəsi - Bakı Ali Neft Məktəbi Kompüter mühəndisliyi ixtisasını tədirs edəcək. Bununla da ölkəmizdə Kompüter mühəndisliyi ixtisasını tədris edəcək universitetlərin sayı 11-ə çatır.

 

Hazırda Azərbaycanda "ADA" Universiteti, Azərbaycan Dövlət İqtisad Universiteti, Azərbaycan Universiteti, Azərbaycan Texniki Universiteti, Bakı Mühəndislik Universiteti, Qərbi Kaspi Universiteti, Bakı Qızlar Universiteti, Milli Aviasiya Akademiyası, Azərbaycan Texnologiya Universiteti, Sumqayıt Dövlət Universitetində kompüter mühəndisliyi ixtisası tədris olunur. 

 

Həm yerli, həm də əcnəbi mütəxəssislər əmək bazarında olan tələbata görə yaxın gələcəkdə qeyd olunan ixtisasların daha çox universitetlərdə tədris olunacağını proqnoz edirlər. 

 

Xüsusilə də pandemiyaya görə, tətbiq olunan məsafədən iş rejimi kompüter mühəndislərinə olan tələbatı daha da artırdı. Bu ixtisasla yanaşı, İnformasiya təhlükəsizliyi ixtisası da olduqca aktuallaşdı. 

 

İqtisadçı ekspert İsa Qasımov postpandemiya dövründə əmək bazarında ən çox tələb duyulacaq peşələrin başında informasiya təhlükəsizliyi ixtisasın olduğunu bildirib: "Pandemiya dövründə tətbiq olunan məsafədən iş rejimi postpandemiya dövründə də davam edə bilər. Əgər biz iş rejimini tamamilə virtuallaşdırırıqsa, bu zaman onun təhlükəsizliyini də təmin etməliyik. Buna görə də IT sahəsi, informasiya təhlükəsizliyi sahəsi üzrə mütəxəssislərə böyük ehtiyac olacaq. Dünya ölkələrinin əksəriyyətində bu peşələr olduqca aktualdır. Yaxın zamanlarda Azərbaycanda da aktullaşacağı aydın görünür".

 

Qeyd edək ki, hazırda Azərbaycanın iki ali təhsil müəssisəsində İnformasiya təhlükəsizliyi ixtisası tədris olunur. Bunlar Bakı Ali Neft Məktəbi və Azərbaycan Texniki Universitetidir. Bakı Ali Neft Məktəbində ixtisasın tədrisi ingilis dilində, Azərbaycan Texniki Universiteti isə Azərbaycan dilində aparılır.

 

Bakı Mühəndislik Universitetinin prorektoru Elçin Süleymanov da qarşıdakı illərdə Azərbaycanın əmək bazarında ən çox tələb olunan ixtisasların ilk pillələrində İT sahəsi ilə bağlı peşələrin olacağını qeyd edir: "Qarşıdakı illərdə ən populyar ixtisaslar sırasında IT sferasını əhatə edən peşələrə gələcək. Kompüter və informasiya təhlükəsizliyi üzrə mütəxəssislərə böyük ehtiyac var. Bu peşələrə tələbat daha da artacaq".







Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA