Gündəm
“Meyiti qəbirdən çıxarıb aparacam mərkəzi meydana, ordu həbsxanadan da betərdir...” - Qarabağda güllələnən yezid Arturun babası
Dağlıq Qarabağdakı erməni işğalçı qüvvələrinin sıralarında bir-birinin ardınca baş vermiş əsgər ölümləri, intiharlar cəmiyyətdə ciddi narazılıq doğurur. Mumtv erməni KİV-lərinə istinadən xəbər verir ki, belə insidentlərdən biri zamanı-2019-cu il dekabrın 2-də öldürülən 21 yaşlı hərbi qulluqçu, milliyətcə yezid olan Artur Acamyanın babası qətlin üstünün açılmamasına etiraz olaraq dəmiryolunu bağlamağa hazırlaşır.
Xativ Acamyan deyir ki,baş nazir Nikol Paşinyanın onlara verdiyi vədlərə baxmayaraq istintaqda hər hansı ciddi irəliləyiş müşahidə olunmur.
"O da Andranik Köçəryan kimi (parlamentin müdafiə və təhlükəsizlik komissiyasının sədri) məni yumşaqca başından elədi. İnsident günündə digər hərbçi David Melikbekyan da güllə yarası alıb. Bu günə qədər onun valideyinləri ilə görüşə bilməmişik. Deyirlər David komadadır, anası isə əlaqəyə çıxmır”,-o bildirib.
Acamyan deyir ki, müstəntiq onun nəvəsinin vurulduğu silahın üstündə Arturla yanaşı daha üç nəfərin əl izinin olduğunu deyib, amma adları açıqlamayıb. "Postada yeddi nəfər olublar. Onlardan biri ölüb, digəri yaralanıb. Beşi sağdır. Bəyəm bu beş əsgər bilmir ki, kim kimə atəş açdı?”,-o deyib.
İstintaq Komitəsi bildirir ki, insident zamanı yaralanan Melikbekyanı dindirmək hələ mümkün olmayıb. İş üzrə şübhəli şəxs isə yoxdur.
"Biz bu işin üstünü açmağı vəd etmişdilər. Əgər açmasalar biz dəmir yol xəttini bağlayacağıq. Yezidi kürd icması qalxmır, çünki onların qarşısında mən dayanmışam, icazə vermirəm. Bir neçə gün əvvəl yenə bir əsgəri öldürdülər, yenə həmin versiyanı irəli sürdülər-intihar. İnsanlar çıxdı, müdafiə naziri Tonoyan xahiş etdi, dedi: əgər meyiti qaytarıb aparmasanız istefa verəcəm (fevralın 2-də Qarabağda ölən əsgərin yaxınları etiraz olaraq onun meyitini Yerevana aparmağa cəhd etmişdi,-red.). Mən də hər şeyə hazıram, meyiti çıxardacam və Yerevanın mərkəzi meydanına aparacam”,-yezidi kürd bildirib.
Arturun babası deyir ki, onun nəvəsinin başına gələnlər nə birincidir, nə sonuncu. Onun sözlərinə görə, orduda intizam yoxdur. Orada vəziyyət həbsxanadan da betərdir.../Virtualaz.org