[medium=left]http://mumtv.az/uploads/posts/2019-
07/1562672106_66125420_414734579130655_767611063540645888_n.jpg[/medium]













































































Azərbaycan Respublikası Gənclər və İdman Nazirliyi tərəfindən MUMTV.az-a verilən məlumata görə, 09 iyul 2019-cu il tarixdə 3 nömrəli məktəb-liseyində İsmayıllı rayon Gənclər və İdman idarəsi və Azərbaycan Respublikası Qaçqınların və Məcburi Köçkünlərin işləri üzrə dövlət komitəsinin İsmayıllı rayon nümayəndəliyilə birgə, İsmayıllı rayonunda məskunlaşan gənc qaçqın və məcburi köçkünlər arasında atletika birinciliyi keçirilib. BMT QAK-ın elan etdiyi “Qaçqınlarla bir addım ataq” devizi altında davam edən “Qaçqınlarla” kampaniyası çərçivəsində baş tutan tədbiri giriş sözü ilə açan İsmayıllı rayon Gənclər və İdman idarəsinin rəis müavini Rauf Rəcəbov, çıxış edərək keçirilən tədbirin məqsədi və əhəmiyyəti barədə geniş məlumat verib.Tədbirdə həmçinin, Qaçqınların və Məcburi Köçkünlərin işləri üzrə dövlət komitəsinin İsmayıllı rayon nümayəndəsi Tahir Əliyev çıxış edərək bildirmişdir ki,ölkə əhalisinin ən həssas təbəqəsi olan, doğma yurdlarından didərgin salınmış soydaşlarımıza diqqət və qayğı, onların qarşılaşdıqları problemlərin aradan qaldırılması dövlət siyasətinin prioritetini təşkil edir. Ulu öndər Heydər Əliyev tərəfindən əsası qoyulan, möhtərəm Prezidentimiz İlham Əliyev tərəfindən uğurla həyata keçirilən dövlət siyasəti qaçqın və məcburi köçkünlərin həyat səviyyəsini xeyli yüksəltmişdir. Bu qəbildən olan insanlar üçün hər cür infrastruktura malik mənzillər tikilmiş, qəsəbələr salınmış, yeni iş yerləri yaradılmış və onların sosial müdafiəsinin daha da gücləndirilməsi istiqamətində müvafiq dövlət proqramları qəbul olunmuşdur.

Gərgin mübarizə şəraitində keçən birincilikdə Qasımov Seymur Zabil oğlu birinci yerə,Əliyev Elgün Eyvaz oğlu ikinci yerə və Salmanov Məftun Nemət oğlu isə üçüncü yerə layiq görülmüşdülər.Qalib gəlmiş iştirakçılar İsmayıllı rayon Gənclər və İdman idarəsinin diplom və medalları ilə təltif olunmuşdular.