Dünya
Lukaşenkonun yerində olsaydım... – Zelenski
Belarus Prezidenti Aleksandr Lukaşenko seçkinin yenidən keçirilməsinə şərait yaratmalı və etirazçıları sakitləşdirmək üçün xarici müşahidəçilərin ölkəyə gəlməsinə icazə verməlidir.
Mumtv.az Axar.az-a istinadən xəbər verir ki, bu sözləri Ukrayna Prezidenti Vladimir Zelenski deyib.
Zelenskinin sözlərinə görə, əgər o, Lukaşenkonun yerində olsaydı, mütləq ikinci seçkinin keçirilməsini təmin edərdi.
"Gəlin təsəvvür edək ki, mən özümdən, səsvermədən əminəm. Mən şübhəsiz, ikinci seçkinin olacağını elan edərdim. Səsverməyə özüm də qoşulub, xarici müşahidəçilərin işinə şərait yaradardım. Əgər Lukaşenko qalib gələcəksə, deməli o seçiləcək, əgər başqası qalib gələcəksə, deməli başqası seçiləcək. Bu hərəkət bütün qanlı qarşıdurmaları bitirib, tarixə düşərdi", - Vladimir Zelenski bildirib.