Cəmiyyət
Maska taxmamağa görə cərimələr artırıla bilər?- AÇIQLAMA
"Koronavirus infeksiyasına yoluxmaların dinamikasındakı kəskin artım çox narahatedici məsələdir. Bu, daha çox məsuliyyətlə davranmağımızı tələb edir"
Mumtv.az bildirir ki,bu sözləri Sonxeber.az-a deputat Azər Badamov açıq havada maskanın məcburi taxılmasına münasibət bildirərkən deyib. Deputat qeyd edib ki, qaydalara riayiət etməyənlər barədə inzibati cəzalar da sərtləşdirilməlidir:
"Altı-bazar günləri xüsusi məhdudlaşdırıcı tədbirlər tətbiq olunur, qırmızı zona adlandırılan inzibati ərazilərdə sərt karantin rejimi davam etməkdədir. Burada təssüfləndirici məqam ondan ibarətdir ki, insanlar gözün önündə bu virusun verdiyi əzab-əziyyəti görə-görə yenə öz məsuliyyətsizliyini göstərir.
Tibbi maskanın taxılması ancaq cərimədən qaçmaq üçün vasitə kimi istifadə edirlər. Hardasa nəzarətçini görəndə dərhal ağzına taxırlar, bir az keçəndən sonra yenə çənənin altına salınaraq hərəkətinə davam etdirirlər.
Yəni bizim şüurumuzun inkişaf səviyyəsi müstəqil deyil. Mütləq şəkildə kimsə bizim üstümüzdə dəyənəklə dayanmalıdır ki, müəyyən olunmuş qaydalara riayət edək. Biz tibbi maskanı taxmamaqla, məsuliyyətsizlik göstərməklə cəmiyyəti təhlükə altına atdığını düşünməliyik. Təkcə bir nəfərin tibbi maska taxmaması həm özünü yoluxdurmasına, həm də ətrafındakı onlarla insanı yoluxdurmasına yol açmış olur. Ona görə hər yerdə hamı tibbi maska taxmalıdır.
ÜST son vaxtlar dünyada koronavirus infeksiyasının kəskin artmasından narahatlığını ifadə edir və qeyd edir ki, əgər insanların 97%-i tibbi maskanı hər yerdə taxarlarsa koronavirusla 6 ayda vidalaşmaq mümkündür. Yenə də nəticə odur ki, məkanın qapalı və ya açıq olmaısından asıllı olmayaraq hər yerdə hamı tibbi maska taxmalıdır. Həm də düşünürəm ki, inzibati cəzalar da sərtləşməlidir. Kim cərimə olunmaq istəmirsə tibbi maska taxsın düşüncəsilə yaşamağımıza davam etdirməliyik. Başqa alternativ bir yolun olduğunu düşünmürəm".